Aurten kulturartekotasuna lantzea erabaki dute Lasarte-Oriako Bizipoza lantaldea osatzen duten eragileek. Horren barruan, iragarri dute elkarrekin solastu eta elkar entzuteko elkartuko direla. "Gaiaren bueltan ditugun kezkak partekatu eta etorkizunean egin dezakegunaz mintzatuko gara", aurreratu dute. Mahai ingurua euskaraz izango da eta unean uneko itzulpen zerbitzua emango dute antolatzaileek, bertaratzen denetakoren batek hori beharko balu.
Gauzak horrela, herriko ikastetxeak (Sasoeta-Zumaburu, Garaikoetxea-Landaberri eta Oriarte BHI), Ttakun Kultur Elkartea, Ostadar SKT, Kumme Elkartea, Kukuka antzerki eta dantza eskola eta Bizipoza elkartea bera izango dira gonbidatuak.
Ekimena antolatu dutenek herritarrak animatu dituzte ekimenera bertaratu eta kulturartekotasuna lantzeko ekarpenak egitera.
