Bileretako gai zerrenda
- • Ikastolako araudiaren eta kartelaren proposamena.
- • Eusko Jaurlaritzako Hezkuntza eta Osasun sailetara gutunak bidaltzea.
- • 2024-2025 ikasturterako konpromisoak finkatzea.
- • Merkatari eta Lasarte-Oriako beste eragile batzuekin lankidetza.
Joan den ikasturte amaieratik lanean ari da Altxa Burua Lasarte-Oria taldea, helburu hauekin: Internetera sarbidea duten gailu elektronikoak egoki erabiltzeko helduak eta gaztetxoak trebatzea; seme-alabei horrelako tresnak ematea atzeratzea; eta eskolak sakelako telefonorik gabeko arnasgune bihurtzea. Eragile horretako kide diren Iñigo Suberbiolarekin eta Manu Mendezekin elkartu da TXINTXARRI. Behin baino gehiagotan nabarmendu dute ez daudela sakelakoen eta antzeko gailuak erabiltzearen aurka, baina bai zentzurik gabekoa eta neurrigabea den erabileraren kontra. Norabide horretan, beharrezkoa iruditzen zaie "guztiok" formatzea eta gaiari buruz hausnartzea.