Korrika Eguneko lehen ekimena izan da herriko ikasle eta irakasleen lasterketa. Arratsalderako eta iluntzerako jarduera gehiago prestatu ditu Muntteri AEK euskaltegiak, zenbait eragilerekin elkarlanean:
Arratsalde eta iluntzeko egitaraua
- 17:00etatik aurrera, Okendo plazan, haurrentzako jolasak Ostadar SKTren eskutik. Porrotx pailazoak enparantza alaituko du.
- 17:30etik 19:30era, Okendon, Zirku Tailerra. Lau gune izango ditu.
- 19:30ean, Okendon, pintxo dastaketa, herriko elkarte gastronomikoen eskutik.
- 19:30etik 21:00etara, herriko kaleak alaituko dituzte Oaintxe in deu! txarangak eta herriko txistularien taldeak.
- 21:56ean, 23. Korrika iritsiko da herrira, Urnietatik.
