Programa horietako batzuk dira Plaza Dantza, Titare jostungintza ikastaroa, sagardo dastaketako lantaldea, San Tomas azokako talogileak, Gabonen lagunak... Horien ordezkariek eramango dute lekukoa Urnieta bidean zehar. Ttakun KEk bere langile, bazkide eta elkartea osatzen dutenak gonbidatu ditu bertara igo eta elkarrekin lasterka egitera.
23. Korrika gaueko hamarrak aldera iritsiko da, Urnietatik. Gure herriko lehen lekukoa Argia-k, Antzak, Iametzak eta Betikoak taldeak hartuko dute eta euskara elkarteari pasako diote gero.
