Alboka Abesbatzak bihar ekingo dio ikasturte berriari

Alboka Abesbatzako kideek bihar ekingo die entseguei Mirentxuko aretoan, 20:00etatik 21:30era. Astelehen eta ostegunero elkartuko dira eta "beso zabalik" hartuko dituzte abestea gustuko duten lasarteoriatarrak: "Bertaratu eta gure lana ezagutzera gonbidatzen ditugu". Ikasturte honetan eskainiko duten lehen kontzertua urriaren 28koa izango da: Zero Sette Akordeoi Orkestrarekin batera ospatuko dute Lasartearra elkartearen 50. urteurrena.