Txapelketa jokatu aurretik, elkarteko bazkide eta jarraitzaileek bapo bazkaldu zuten: arrautza beteak, bakailaoa saltsan eta likore pastela. 60 pertsona inguru bertaratu ziren. Lasartearrak datozen hilabeteetan jarraituko du 50. urteurrena ospatzeko jarduerak aurrera eramaten.
Lasartearra Elkarteak bere 50. urteurreneko mus txapelketa eta bazkaria ospatu zuen Erribera kaleko egoitzan. Txomin Balza Lasartearra Elkarteko lehendakariak ongietorria eman zien bertaratuei. Hamabi bikotek txapelketa lehiatua jokatu zuten eta Francisco Javier Peña eta Aitor Peña aita-semeak izan ziren garaile. Txapeldunordeak, berriz, hauek: Juan Jose Lizaso eta Telleria. Eduardo Prietok eta Aitor Fernandezek osatutako bikotea izan zen hirugarren, eta laugarren, Juan Luis Lazcoz eta Miguel Lobo.
