Gaurko egitaraua
- 11:00etan, meza, Azkorteko ermitan.
- 12:30ean, bertsolarien eta trikitilarien saioa. Anjel Larrañaga eta Aratz Igartzabal ariko dira bertsotan, eta trikitixekin, Ansorregi eta Larrañaga.
Oinez joan ezin edo nahi ez duten herritarrek autobus zerbitzua izango dute 10:00etatik 13:00etara, Pintore kaletik. Ibilgailua 12:00etan igoko da azken aldiz ermitara.
Igandean, erromeria
Arestian esan bezala, Ttakun KEk eta Lasarte-Oriako Udalak erromeria antolatu dute iganderako, Azkorten bertan. Egitaraua hauxe izango da:
- 10:00etan, tabernaren irekiera. Salda, txorizoa, odolkia eta edari freskoak izango dituzte.
- 11:00etan, meza, Azkorteko ermitan.
- 12:00etatik aurrera, herri kirolak: Beñat Telleria eta Julen Gabirondo.
Erromeria goiza trikitilariek girotuko dute. Santikutz egunean bezala, autobus zerbitzua izango dute herritarrek ermitara igotzeko, 10:00etatik aurrera, Biyak Bat adinekoen egoitzatik (Kale Nagusia, 40).
