Hilaren 29a izango da saskiak eskatzeko azken eguna, asteazkena. Nafarroa Hegoaldeko ekoizleen produktu sorta erosi nahi duten herritarrek www.errigora.eus webgunean egin behar dute eskaera.
Kontsumitzeko beste era bat
"Beste era batera" kontsumitzeko deia egin dute Errigorako kideek, Errigora Balioen arabera kontsumitzekoa hain zuzen: bertako elikagaien alde, euskaraz, auzolanean eta ekoizpenean, harreman bidezkoak sustatuta.
Urtero bezala, ehunka bolondresen lanari esker eta AEK, Sortzen eta Ikastolen Elkartearekin batera ehunka herritan egin ahalko dute bezeroek olio, kontserba, lekale, arroz eta pasta eskaera. "Produktu horiek eguneroko kontsumora ekartzeko ereduari jarraiki, urte osorako despentsak betetzeko unea da", azpimarratu dute.