"Dispertsio politika bidegabearen ondorioz, presoen senide eta lagunek kilometro asko egin eta denbora asko igaro behar izaten dute errepidean, horrek dakartzan ondorio guztiekin: gastu ekonomikoak, nekea, istripuak eta sufrimendua", adierazi du Pablo Barriok. "Giza eskubideak urratzeaz gain, senideenak ere urratzen ditu politika horrek, kondenatuak izan gabe zigortuak izan baitira".
2003ko otsailaren 28an hil ziren Argi Iturralde eta Iñaki Balerdi, auto istripu batean. Haiekin zihoan Joxe Balerdi ere, Juankarren aita; larriki zauritu zen ezbehar horretan.