Itsasoek gaur egun duten egoera larriaz ohartarazteaz gainera, haurren artean kontsumo ohitura arduratsuak bultzatzea eta ingurumena zaintzearen garrantzia erakustea dira Txikizikloaren xedeak. CIMASUB zikloaren antolatzaileek eta herriko bi ikastetxe horietako irakasleek prestatzen dute, elkarlanean: gaur auditoriora joan eta filmak ikusi aurretik unitate didaktikoen bitartez lantzen dute gaia, eskolan.
Argazki erakusketa eta proiekzioa
Goizean gaztetxoak, eta arratsaldean helduak. CIMASUBen antolatzaileek gaur irekiko dute kultur etxeko 1. solairuko erakusketa, 17:00etan. Bertan izango dira zenbait udal ordezkari. Bi ordu geroago lehen proiekzioa aurrera eramango dute, 19:00etan, auditorioan. Ordu eta erdi iraungo du saio horrek.
