Santa Maria elizan abestu zuen Albokak, Erriberri Hiriko III. Abesbatzen Topaketan. Montse Latorreren zuzendaritzapean, abesti sakroak eta gaur egungo melodiak uztartzen dituen egitaraua eraman zuen Nafarroara: hasi Piotr Janezak-en Kyrie abestitik eta Javier Gonzalez Sarmientok moldatutako Lau teilatu edo La la land film ezagunaren City of stars kanturaino. Ikus-entzuleek gogotik egin zuten txalo emanaldia amaitzean.
Horren ostean, topaketan parte hartu zuten hiru abesbatzetako kideak eszenatokira igo, eta David Azurzaren Dantzantik lana estreinakoz oholtzaratu zuten. Erriberriko abesbatzako Javier Echarri Lopezek zuzendu zuen kantaldi hori. Azurza bertan zegoela baliatuta, berak konposatutako Birjina Maite obra zuzentzera igotzeko eskatu zioten abesbatzetako kideek.