Erraustegia geratzeko eskatu dute milaka pertsonak Donostian, GuraSOSek antolatutako mobilizazioan

Txintxarri Aldizkaria 2022ko aza. 29a, 09:00
Milaka pertsona elkartu ziren Donostian, igandean. Argazkia: GuraSOS.

Zubietako erraustegiak bere jarduera geratzea galdegiteaz gain, GuraSOS plataformak bilera bat eskatu dio Gipuzkoako Ahaldun Nagusiari, afera horri buruz hitz egiteko. Manifestazio jendetsua egin zuen Donostian joan den igandean, Bulebarretik hasi eta Zurriolaraino, Arkaitzerrekako urak eraman nahi dituzten tokiraino. Lasarte-Orian Aire Garbia plataformaren deialdiari erantzuna, dozenaka lasarteoriatar izan ziren bertan.

Orain Bai, gelditu! Diálogo Solución lelopean, 3.000 pertsona manifestatu ziren Donostian, Bulebarretik hasi eta Zurriola hondartzaraino. Bertan egin zuten amaierako ekitaldia. Zubietako erraustegia prebentiboki gelditzea eskatu zuten, eta Arkaitzerreka errekastoan gertatzen ari dena ikusarazi. GuraSOSeko kide Joxe Mari Izetak azaldu zuenez, erraustegia kudeatzen dutenek onartu dute erraustegitik irteten diren lur azpiko uren zirkuitua ez da "itxia eta hermetikoa", eta horren ondorioz "kutsatzen" ari dira Arkaitzerreka bera, Oria ibaia eta itsasoa. Afera zehatz horri buruz eta beste batzuez hitz egiteko, "etorkizuna denen artean erabakitzeko", Gipuzkoako Ahaldun Nagusiari bilera bat eskatu diote plataforma horretako kideek. 

Erlazionatuak