Manuel Lekuona Kultur Etxea, Lasarte-Oria
Lasarte-Oriako Muntteri AEKrekin elkarlanean, eta Korrika Kulturalaren barruan, irakurraldi bertsotua antolatu dute. Uxue Alberdi idazle eta bertsolariaren Dendaostekoa liburua oinarri hartuta egingo dute saioa. Idazleak bere lanaren pasarte bat irakurri eta hortik abiatuta bertsotan arituko dira Ane Labaka eta Nerea Ibarzabal. Aitor Nova musikaria izango dute lagun. 18:30ean izango da, kultur etxean. Sarrerek 6 euro balio dute.