COVID-19

Apirilaren 4tik 10era 37 kutsatze atzeman dituzte Lasarte-Orian

Osakidetzak eta Eusko Jaurlaritzako Osasun Sailak apirilaren 4tik 10era arteko datu epidemiologikoak argitaratu ditu. Tarte horretan 37 kutsatze atzeman dituzte Lasarte-Orian, eta azken hamalau egunetan, 64. Intzidentzia tasa metatua 331,71koa da.

Osasun agintariak datuak herriz herri xehatuta ematen hasi zirenetik, gure herrian 5.966 kutsatze atzeman dituzte. Birusak infektatu dituen herritar ia guztiak sendatu badira edo bidean badaude ere, zoritxarrez, 24k ezin izan dute osatu eta hil egin dira. Pandemia hasi zenetik, aurtengo urtarrilean atzeman dituzte kasu gehien: 2.120.

Eskualdeko sei udalerrietan 92 kasu detektatu dituzte apirilaren 4tik 10era: 37 Lasarte-Orian, 22 Hernanin, hamabost Andoainen, zortzi Usurbilen, zazpi Astigarragan eta hiru Urnietan.

Erlazionatuak

Toki itxi gehienetan, maskara ez da derrigorrezkoa izango apirilaren 19tik aurrera

Gizartea

Garraio publikoetan eta zentro sanitarioetan zein soziosanitarioetan salbu, apirilaren 19tik aurrera lasarteoriatarrek ez dute maskararik eraman be...