Herriak ongietorri beroa egingo dio Korrikari

Herri afaria 20:30ean izango da, Okendo plazan.

Euskal Herria alderik alde zeharkatzen ari den euskararen aldeko lasterketa kaleetara itzuli da. Bihar goizean goiz barru helduko da Lasarte-Oriara, 07:11n. Harrera beroa egite aldera, Muntteri AEK euskaltegiak egitarau oparoa prestatu du hainbat eragilerekin elkarlanean.

Apirilak 8, ostirala

  • Txistularien diana. Herrian barrena, 06:30ean.
  • Korrikaren etorrera. Zubietak emango dio lekukoa Lasarte-Oriari, 07:10ean. Herrian hemezortzi kilometro egin eta gero, Urnietarantz joango da, 08:26an.
  • Korrika Txikia. 11:00etan hasiko da, Okendo plazatik.
  • Korrika Txikiaren koreografia. 13:00ean, Okendon.
  • Makarroi jana eta bingo musikatua. 13:30ean bazkalduko dute ikasleek Okendon, eta 15:30ean hasiko dira bingoarekin.
  • Euskal jolasak. 17:00etan, Okendon, Ostadar SKTren eskutik.
  • Barraren irekiera. Gazte mugimendua arduratuko da horretaz, 18:00etan, Okendon.
  • Bertso jaialdia. Earra eskolako ikasleen eskutik, 19:00etan, Jalgi kafe antzokian.
  • Batu-poteoa. Dinbi Banda taldeak gidatuko du, 19:30ean.
  • Afari merienda. Elkarte gastronomikoek prestatuko dute, 20:30ean, Okendon. Sarrerak salgai daude Artizar, Ilargi eta Jalgi tabernetan. Helduenek 13 euro balio dute eta haurrenek 5.

Maiatzak 27, ostirala

  • 'Dendaostekoak' irakurraldi bertsotua, Manuel Lekuona Kultur Etxean, 19:00etan.
Erlazionatuak

"Aurten tokatzen da inoizkoa izatea"

Elkarrizketak

IÑAKI DORRONSORO MAIOZ - LASARTE-ORIAKO KORRIKA ARDURADUNA Hilaren 8an, 07:11n, helduko da 22. Korrika herrira. Hemezortzi kilometro egingo...