Parte hartzeko bideak hauek dira: lasarteoriatar bakoitzak bere etxean jasoko duen orria postontzi jakin batzuetan uztea (Emakumeen Zentroa, kultur etxea, Gaztelekua, udaletxeko arkupe zaharrak edo kiroldegia), edo iradokizuna udalaren webgunearen bidez egitea, esteka honetan. Ez da nahikoa izango norbanakoaren edo eragilearen izena zehaztea; hori aukeratu izana arrazoitu beharko dute partaideek. "Herriari mesede egin dioten pertsonak, taldeak, elkarteak edo kirol klubak izan daitezke", zehaztu du udalak.
San Pedro Jaietako omenduak ekainaren 29an jasoko du aitortza hori, eta haurren zein helduen txupinak jaurtitzeaz arduratuko da.
