Andaluzia Eguna ospatu ohi da otsailaren 28an, eta asteburuan motorrak berotu ostean, ohorezko topa egin dute elkartean bertan. Urtero bezala, elkarteko bazkide eta kideekin batera egon dira udal ordezkariak. Topa egin aurretik, elkarteko presidentetza aldaketa egin dute. Jose Mari Mellado izan da atzora arte kargu horretan aritu den, eta Juan Navarrori pasa dio lekukoa. Eskerrak eman dizkie Melladok karguan egon den denbora ondoan izan dituenei, eta zorterik onena opaz zuzendu zaio Navarrori.
Kargu aldaketaren ostean, Semblante Rociera koruak abestu du, eta emanalditxoa amaituta egin dute topa, denek elkarrekin. Luntxa ere prestatu dute bertaratu direnentzako; giro bikainean ospatu dute Andaluzia Eguna.
