Osasun agintariak datuak herriz herri xehatuta ematen hasi zirenetik, koronabirusak kutsatutako 2.436 lasarteoriatar atzeman dituzte, ehun biztanletik ia hamahiru (%12,8). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza Mankomunitatea osatzen duten udalerrietan 170 kutsatze diagnostikatu dituzte astelehenetik asteazkenera: 61 Hernanin, 39 Andoainen, 28 Lasarte-Orian, hogei Usurbilen eta 11na Astigarragan zein Urnietan.
