COVID-19

Lasarte-Orian 27 kutsatze baieztatu dituzte azken zazpi egunetan

Osakidetzak eta Eusko Jaurlaritzako Osasun Sailak azaroaren 8tik 14ra arteko datu epidemiologikoak eguneratu dituzte. Lasarte-Orian 27 positibo baieztatu dituzte, horietatik hamabi egun bakarrean. Azken hamalau egunetan 48 kasu erregistratu dituzte gure herrian; intzidentzia tasa metatua 252,03 da.

Osasun agintariak datuak herriz herri xehatuta ematen hasi zirenetik, koronabirusak kutsatutako 2.223 lasarteoriatar atzeman dituzte, ehun biztanletik 11 pasatxo (%11,7). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntza mankomunitateko udalerrietan 123 kutsatze erregistratu dituzte zazpi egun horietan: 36 Astigarragan, 34 Hernanin, 27 Lasarte-Orian, hamabi Andoainen, bederatzi Usurbilen eta bost Urnietan.

Murrizketak intzidentzia altuko udalerrietan

Eusko Jaurlaritzako Osasun sailburu Gotzone Sagardui-k iragarri du murrizketak ezarriko dituztela intzidentzia altua duten udalerrietan. Prentsaurrekoa emango dute bihar nondik norakoak xehatzeko.

Erlazionatuak

Koronabirusari buruzko datuak astean behin eguneratuko ditu TXINTXARRI-k

Gizartea

2020ko martxotik hona, TXINTXARRI aldizkariak egunero-egunero berritu izan ditu COVID-19aren bilakaerari buruzko datuak, Lasarte-Oriakoetan arreta ...