COVID-19

Koronabirusari buruzko datuak astean behin eguneratuko ditu TXINTXARRI-k

2020ko martxotik hona, TXINTXARRI aldizkariak egunero-egunero berritu izan ditu COVID-19aren bilakaerari buruzko datuak, Lasarte-Oriakoetan arreta berezia jarrita. Hemendik aurrera, maiztasuna aldatu eta astero idatziko ditu gaiari buruzko albisteak, Osakidetzak eta Eusko Jaurlaritzako Osasun Sailak astean behin argitaratuko duelako datu epidemiologikoei buruzko txostena.

Hauek dira herriari buruzko zifra esanguratsuenak:

  • Kutsatu diren lasarteoriatarren kopurua 2020ko martxotik: 2.156 (biztanleen %11,3).
  • COVID-19agatik zendu diren herritarrak: 24.
  • Intzidentzia gehieneko hilabetea: 2020ko azaroa, 275 kasu hilabete osoan (eguneko 9,2).
  • Intzidentzia gutxieneko hilabetea: 2020ko ekaina, kutsatze bakar bat ere ez hilabete osoan.

Koronabirusaren eboluzioari buruzko eguneraketa guztiak kanal berezi honetan kontsulta ditzakezue.