Osasun agintariak datuak herriz herri xehatuta ematen hasi zirenetik, koronabirusak kutsatutako 2.196 lasarteoriatar atzeman dituzte, ehun biztanletik 11 pasatxo (%11,5). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.
Beterri-Buruntza mankomunitatea osatzen duten udalerrietan ehun kutsatze diagnostikatu dituzte azaroaren 1etik 7ra: 58 Astigarragan, 21 Lasarte-Orian, hamar Andoainen, bost Hernanin eta hiruna Urnietan zein Usurbilen.
Euskal Autonomia Erkidegoan (EAE) 1.424 positibo zenbatu dituzte azken zazpi egunetan; intzidentzia tasa metatua 109,24 da.
