Laster hasiko da Plaza dantza egitasmoa, Lasarte-Oriako Udalak eta Ttakun Kultur Elkarteak elkarlanean aurrera eramaten dutena. Lehen entsegua urriaren 5ean egingo dute, asteartez, Sasoeta ikastetxeko gimnasioan, 20:00etatik 21:30era. Parte hartu nahi izatekotan, 695 78 53 89 telefonora deitu behar dute herritarrek, edo kultura@ttakun.eus helbide elektronikora idatzi.
Antolatzaileek zehaztu dutenez, talde bat edo bi sortuko dituzte, parte hartzaile kopuruaren eta haiek duten esperientziaren arabera. Aurreko ikasturteetako batzuetan, esate baterako, hasiberriak astearteetan aritu ziren, eta aurrez arituak zirenak, asteazkenetan.