Ikasturte berriko lehen zenbakia, ostiral honetan

Abuztuan pilak kargatu ostean, lanera itzuli gara! 2021-2022 ikasturteko aurreneko zenbakia prestatzen ari gara buru-belarri; irailaren 3an jasoko duzue zuen postontzietan, ostiralarekin. Kurtso honetan 41 aldizkari publikatuko ditugu; azkena, datorren urteko uztailaren 29an.

Hilabetez atsedena hartu ostean, erredakzioko kideak indarberrituta itzuli gara lanera. Atari digitalean zein paperean, Lasarte-Oriari buruz informatzen jarraituko dugu, gertutasunez eta euskaraz. Ikasturte berriko lehen zenbakia prestatzen hasi gara, eta ostiral honetan kaleratuko dugu, irailaren 3an. Horren atzetik etorriko dira beste 40; hasi berri den kurtsoko azken agerkaria uztailaren 29an argitaratuko dugu, ostiralez. Zenbaki gehienak arruntak izango dira, hamasei orrikoak, eta bereziak lau: Eguberrietan eta San Pedro Jaietan argitaratzeko asmoa dugu, COVID-19ak eragindako egoera tarteko aldaketarik egin behar ez badugu behintzat.

Amaitzear den hilabete honetan zehar 2020-2021 kurtsoko eduki ikusienak errepasatzen ari gara. Bihar argitaratuko dugu azken bideoa, joan den uztaileko edukiena. Gainontzeko guztiak gure web-orrian ikus ditzakezue.

Erlazionatuak

Ekaineko ikusienak

Euskara

Hilabetez hilabete, ikasturte berria gero eta gertuago dago. Horren aurretik, ekainean egingo dugu geldialdia. Zerk piztu ote zuen uda hasieran las...
Hazten jarraitzen dugu

Euskara

Inoiz baino erabiltzaile gehiagok inoiz baino orrialde gehiago bisitatu dituzte, eta inoiz baino saio gehiago hasi dituzte www.txintxarri.eus atari...