COVID-19

Hamabi kasu baieztatu dituzte abuztuko azken asteburuan

Lasarteoriatarrek Loidi-Barren pilotalekuan egiten dituzte PCR eta antigenoen probak.

Eusko Jaurlaritzako Osasun Sailak eta Osakidetzak abuztuaren 27 eta 29 arteko datu epidemiologikoak bildu, eta txostena argitaratu dute. Horren arabera, Lasarte-Orian hamabi kutsatze baieztatu dituzte. Hilabetea hasi zenetik 150 kasu erregistratu dituzte gurean; horietatik 73, azken hamalau egunetan. Intzidentzia-tasa metatua 383,30 da.

Osasun agintariak datuak herriz herri xehatuta ematen hasi zirenetik, koronabirusak kutsatutako 2.088 lasarteoriatar atzeman dituzte, ehun biztanletik ia 11 (%10,9). Gehien-gehienak sendatu badira ere, zoritxarrez, 24k ezin izan dute osatu eta hil egin dira. Iazko martxotik orain artekoan, azaroa izan da kutsatu gehien zenbatu dituzten hilabetea, zehazki, 275.

Beterri-Buruntza eskualdeko udalerrietan 33 positibo zenbatu dituzte ostiraletik igandera: hamabi Lasarte-Orian, hamar Hernanin, zazpi Andoainen, hiru Usurbilen eta bat Astigarragan. Urnietan, aldiz, kasu bakar bat ere ez dute atzeman egun horietan.

Erlazionatuak

Edukiera neurriak malgutzea erabaki du LABIk

Gizartea

COVID-19ari aurre egiteko ezarritako hainbat neurri malgutzeko erabakia hartu du LABI batzordeak astelehen goizean. Horrela, irailaren 1etik aurrer...