Dekretu berria bihar argitaratuko du Eusko Jaurlaritzak, eta neurrietako bi larunbatean sartuko dira indarrean, jardueren amaiera orduarena eta musukoaren derrigortasunarena. Komertzioen eta ostalaritza establezimenduen edukiera are gehiago mugatzearena, berriz, datorren asteko astelehenean. Neurri zehatz horiez gain, Urkullu lehendakariak honako hau eskatu die EAEko herritarrei: 01:00etatik 06:00etara etxean egoteko gomendioa betetzea. Etxeratze agindua ezartzea ez du eskatuko Lakuak.
holku batzordeak aztertu dituen faktoreen artean hauek daude: COVID-19aren Delta aldaerarenak direla atzematen ari diren azken kasuen %75 baino gehiago, "askoz ere kutsatzeko gaitasun handiagoa" duela eta azken hamalau egunetako intzidentzia-tasa 682koa izan dela. Gaur egoera zein den kontuan izanda, Bizi Berri IV planaren bigarren agertokitik hirugarrenera pasa da Euskal Autonomia Erkidegoa.
