Inguruko ondare naturala eta kulturala ezagutzeko irteerak udan zehar

Behemendi elkarteak eta Beterri-Buruntzako sei udalek ibilbideak antolatu dituzte uztailean, abuztuan eta irailean zehar, herri horietako ondare naturala eta kulturala ezagutarazteko. Lasarte-Oriakoa abuztuaren 7an izango da, larunbatarekin; herriko historiako pasarte desberdinak ezagutu ahalko dira, bertan dauden muralak eta eraikinak bisitatuz. Aurrez izena ematea beharrekoa da, 656 70 52 43 telefonora deituta edo donostialdea@behemendi.eus helbide elektronikora idatzita.