Koronabirusa tarteko, hamabostaldia izan ohi dena jaialdi bihurtu behar izan du Kukuka eskolak. Edonola ere, emanaldi ederrak eskainiko dituzte 2020-2021 kurtsoan zehar bertan ikasi duten ikasleek, XIX. Antzerki eta Dantza jaialdian. Lasarte-Oriako Udalaren eta Oriarte institutuaren laguntzarekin, honako egitaraua prestatu du Kukukak:
Ekainak 18, ostirala, 19:00etatik aurrera
- Lehen Hezkuntzako 1. mailatik 6. mailara arteko ikasleek, antzerkia zein zirkua landu dituztenek, emanaldiak eskainiko dituzte.
Ekainak 19, larunbata, 12:00etatik aurrera
- Talde hauek ariko dira Oriarte Landaberrin: euskal dantza, euskal dantza sorkuntza eta dantza garaikidea.
Ekainak 19, larunbata, 17:00etatik aurrera
- Antzerki taldeek eskainiko dituzte emanaldiak; DBH mailakoek aurrena, eta helduek gero.