Datu ofizialen arabera, 2020ko martxoaren 18tik gaur arte 1.644 herritar kutsatu ditu koronabirusak, biztanleriaren %8,6. Pertsona horietatik 22 ez dira osatu, eta bizia galdu dute. Osakidetza eta Osasun Saila kutsatzeak neurtzen hasi zirenetik, 2020ko azaroa izan da intzidentzia gehieneko hilabetea Lasarte-Orian (275 kutsatze detektatu ziren).
Eskualdea, eremu gorritik kanpo
Aste askoren ostean, Beterri-Buruntza eskualdeko sei herriak eremu gorritik atera dira. Laranja kolorea dute Astigarraga, Hernani, Lasarte-Oria eta Usurbilgo datuek; Andoaingoek eta Urnietakoek, aldiz, horia. Maiatzaren 17an bi positibo baieztatu dituzte eskualdean: Hernanin bat, eta Lasarte-Orian bestea.
Gipuzkoan, 91 positibo
EAEko hiru lurralde historikoetan 280 kutsatze diagnostikatu dituzte astelehenean; horietatik 91, Gipuzkoan. Positiboak atzemate aldera egin diren ehun PCR eta antigeno-probetatik ia hiru izan dira positiboak (9.812 gauzatu dituzte, eta positibotasun-tasa %2,9 izan da).
Osakidetzako ospitaleetan 256 pertsona daude ospitaleratuta koronabirusagatik, sintoma larriekin horietatik 133, ZIU unitateetan. Astelehenean 43 paziente erietxeratu behar izan dituzte.
