Osakidetzak eta Eusko Jaurlaritzako Osasun Sailak joan den asteko ostiraletik igandera bildutako datuekin osatu duten txostena argitaratu dute. Horren arabera, hiru egun horietan sei kasu atzeman zituzten herrian. Apirilaren 8an sartu zen eremu gorrian Lasarte-Oria, eta gaur atera da. Intzidentzia-tasa metatua 351,80 da.
COVID-19aren pandemia piztu zenetik, datu ofizialen arabera, 1.643 lasarteoriatar kutsatu ditu koronabirusak, biztanleen %8,6. Horietatik 22 ez dira osatu, eta bizia galdu dute.
Beterri-Buruntza eskualdeko herrietan 34 kutsatze diagnostikatu dituzte maiatzaren 14tik 16ra: 11 Hernanin, seina Lasarte-Orian eta Urnietan, Usurbilen bost, Astigarragan lau eta bi Andoainen.
2021 mai 11 Gizartea
