Beterri-Buruntza eskualdeko herrietan hogei kutsatze detektatu dituzte asteartean: seina Hernanin eta Lasarte-Orian, hiruna Astigarragan eta Usurbilen, bi Andoainen, eta bakar bat ere ez Urnietan. Azken bi herri horiek eremu horian daude; beste lauak, aldiz, gorrian, nahiz eta intzidentzia-tasa metatu gehienak jaisten ari diren.
EAEko hiru lurralde historikoetan 479 positibo diagnostikatu dituzte, horietatik 149 Gipuzkoan. 9.684 PCR eta antigeno-proba egin dira asteartean; horien positibotasun-tasa %4,9 izan da. Osakidetzako ospitaleetan 349 pertsona daude ingresatuta koronabirusagatik, horietatik 159 ZIU unitateetan, sintoma larriekin. Maiatzaren 11n 69 paziente erietxeratu dituzte, COVID-19a tarteko.
