Beterri-Buruntza eskualdeko herrietan hamazazpi positibo detektatu dituzte astelehenean: hamar Hernanin; bina Andoainen, Lasarte-Orian eta Urnietan; bat Astigarragan; eta bakar bat ere ez Usurbilen. Andoain eta Urnieta izan ezik, beste lau udalerriek eremu gorrian jarraitzen dute, 400ekoak baino intzidentzia-tasa metatu altuagoekin.
EAEko hiru lurralde historikoetan 461 kutsatze zenbatu dituzte astelehenean, horietatik 163 Gipuzkoan. Osakidetzako beharginek 9.817 PCR eta antigeno-proba egin dituzte kasu berriak atzemate aldera; horien positibotasun-tasa %4,7 izan da.
Osakidetzako ospitaleetako plantetan 359 pertsona daude ingresatuta koronabirusagatik; sintoma larriak dituzte horietatik 158k, eta ZIU unitateetan daude. Maiatzaren 10ean 70 paziente erietxeratu dituzte.