Beterri-Buruntza eskualdean 35 kasu atzeman dituzte asteazkenean: hamar Hernanin, zortzi Lasarte-Orian, zazpi Andoainen, launa Astigarragan eta Usurbilen eta bi Urnietan. Andoain izan ezik, beste udalerri guztiek eremu gorrian jarraitzen dute. Urnieta muga-mugan dago; intzidentzia-tasa 402,64koa da.
EAEko hiru lurralde historikoetan 673 kutsatze detektatu dituzte asteazkenean, horietatik 237 Gipuzkoan. Osakidetzako beharginek 11.268 PCR eta antigenoen proba egin dituzte; positibotasun-tasa %6 izan da. Ospitaleetako presioak altua izaten jarraitzen du, baina azken egunetan jaisten ari da. Koronabirusagatik 425 pertsona daude ingresatuta, horietatik 183 ZIU unitateetan. Maiatzaren 5ean 50 paziente erietxeratu dituzte.