Beterri-Buruntzako udalerrietan 23 positibo diagnostikatu dituzte asteartean: bosna Andoainen eta Hernanin; launa Astigarragan, Lasarte-Orian eta Usurbilen; eta bakarra Urnietan. Andoain izan ezik, gainontzeko herriek eremu gorrian jarraitzen dute, Urnieta 400eko mugatik oso gertu dagoen arren.
EAEko hiru lurralde historikoetan 670 kutsatze zenbatu dituzte asteartean, horietatik 236 Gipuzkoan. Osakidetzako beharginek 10.929 PCR eta antigenoen proba egin dituzte; horien positibotasun-tasa %6,1 izan da. Osakidetzako ospitaletako plantetan 463 pertsona daude ingresatuta, horietatik 185 ZIU unitateetan, koronabirusaren sintomak larriagotuta. Maiatzaren 4an 75 paziente erietxeratu dituzte.
