Beterri-Buruntzako sei herrietan 30 positibo diagnostikatu dituzte astelehenean: hamalau Hernanin, bost Usurbilen, lau Astigarragan, hiru Lasarte-Orian eta bina Andoainen eta Urnietan. Udalerri guzti horiek eremu gorrian jarraitzen dute.
Araban, Bizkaian eta Gipuzkoan 774 kasu baieztatu dituzte apirilaren 26an: 82, 340 eta 341 hurrenez hurren. Osakidetzako langileek 12.562 PCR eta antigenoen proba egin dituzte; horien positibotasun-tasa %6,2 izan da. Koronabirusagatik 543 pertsona daude ingresatuta ospitaleetan, horietatik 189 sintoma larriekin, ZIU unitateetan; astelehenean 91 paziente erietxeratu dituzte.
