Beterri-Buruntza eskualdeko udalerrietan hemezortzi kasu atzeman dituzte asteazkenean: Andoainen, Hernanin eta Lasarte-Orian, bosna; Urnietan, bi; eta Astigarragan, bat. Usurbil izan ezik, gainontzeko bost herriak eremu horian daude, baina berdetik gertuago laranjatik baino.
EAEko hiru lurralde historikoetan 369 positibo atzeman dituzte asteazkenean, horietatik 106 Gipuzkoan. Kutsatze berriak atzemate aldera, Osakidetzako beharginek 8.571 PCR eta antigenoen proba egin dituzte; positibotasun-tasa %4,3koa izan da.
Bezperan baino 30 pertsona gutxiago daude ospitaleratuta Osakidetzako zentroetan; guztira, 228. Horietatik ehunek sintoma larriagoak dituztenez, ZIU unitateetan daude ingresatuta (-1). Asteazkenean 31 paziente ospitaleratu dituzte COVID-19a dela kausa, asteartean bezainbeste.
