Beterri-Buruntza eskualdeko udalerrietan lau positibo detektatu dituzte asteartean: bina Andoainen eta Hernanin.
EAEko hiru lurralde historikoetan 340 kasu atzeman dituzte, horietatik 93 Gipuzkoan (bezperan baino hamazazpi gutxiago). Kutsatzeak diagnostikatzeko 8.213 PCR eta antigenoen proba egin dira; horien positibotasun-tasa %4,1ekoa izan da.
Gaur-gaurkoz 267 pertsona daude ingresatuta Osakidetzako ospitaleetan, koronabirusarekin (bezperan baino bat gutxiago). Horietatik 126 egoera larrian daude, ZIU unitateetan oheratuta (bezperan baino bost gehiago). Asteartean 45 pertsona erietxeratu dituzte COVID-19a dela kausa.