Otsaila amaitu berritan, hilabete horretan eta aurreko bietan Lasarte-Orian zenbatutako kutsatzeak konparatzen dituen grafiko hau egin dugu:
Beterri-Buruntza eskualdeko udalerrietan sei kasu atzeman dituzte martxoaren 1ean: lau Hernanin, eta bana Andoainen eta Lasarte-Orian. Herri horietako intzidentzia-tasak gero eta apalagoak dira, grafiko honetan ikus daitekeenez:
EAEko hiru lurralde historikoetan 366 kasu atzeman dituzte astelehenean, horietatik 110 Gipuzkoan. Osakidetzako beharginek 8.514 PCR eta antigenoen proba egin dituzte; positibotasun-tasa %4,3koa izan da.
Osakidetzako ospitaleetako plantetan 268 pertsona daude ingresatuta koronabirusarekin, horietatik 121 larri ZIU zainketa intsiboetako unitateetan. Astelehenean 36 pertsona erietxeratu dituzte COVID-19a dela kausa.
