COVID-19

Lasarte-Orian bi positibo atzeman dituzte azken 24 orduetan

Txintxarri Aldizkaria 2021ko ots. 23a, 12:35

Eusko Jaurlaritzako Osasun Sailaren datu epidemiologikoek diotenez, Lasarte-Orian bi kasu diagnostikatu dituzte astelehenean, otsailak 22. Hilabetea hasi zenetik 123 kutsatze zenbatu dituzte gure herrian.

Beterri-Buruntza eskualdeko udalerrietan bost positibo atzeman dituzte otsailaren 22an: bi Lasarte-Orian eta bana Astigarragan, Hernanin eta Usurbilen. Eskualdeko sei herrietatik lau gune horian daude (Lasarte-Oria da horietako bat; 210,03ko intzidentzia-tasa metatua dauka), berdean bat eta laranjan bestea.

EAEko hiru lurralde historikoetan 428 positibo atzeman dituzte astelehenean, horietatik 106 Gipuzkoan. Osakidetzako beharginek 9.035 PCR eta antigenoen proba egin dituzte; horien positibotasun-tasa %4,7koa izan da.

360 pertsona daude ospitaleratuta koronabirusagatik Osakidetzako erietxeetan; horietatik 134 larri daude, ZIU unitateetan. Astelehenean 46 paziente ingresatu dituzte COVID-19a dela kausa.

Erlazionatuak

Bideo-pilulak: adenobirus txertoak

Elhuyar/Teknopolis 2021 ots 23 Gizartea