COVID-19

Eremu gorritik atera da Lasarte-Oria

Urtarrilaren 22az geroztik, Lasarte-Oriari buruzko datu epidemiologikoak gorri kolorez eman izan ditu Eusko Jaurlaritzako Osasun Sailak. Otsailaren 16koak, ordea, laranjaz daude, gune horretatik irten baita herria, nahiz eta oraindik 500 kasuko mugatik oso gertu egon. Bi kasu atzeman dituzte azken 24 orduetan; hilabetea hasi zenetik, guztira, 113. 

Beterri-Buruntza eskualdeko udalerrietan apenas atzeman duten kasurik asteartean: bina Hernanin eta Lasarte-Orian. Intzidentzia-tasa metatuak jaisten ari dira herri guztietan, eta Astigarraga da gune gorrian jarraitzen duen bakarra. 500eko mugatik gertu jarraitzen duen arren, Lasarte-Oria eremu laranjara igaro da, eta intzidentzia-tasa metatua 477,82koa da gaur-gaurkoz. 

EAEko hiru lurralde historikoetan 499 positibo diagnostikatu dituzte otsailaren 16an, horietatik 109 Gipuzkoan. Osakidetzako beharginek 10.874 PCR eta antigenoen proba egin dituzte; positiboak izan dira %4,6. 

Koronabirusagatik 421 pertsona daude ospitaleratuta (bezperan baino hamazazpi gutxiago), horietatik 159 larri, ZIU unitateetan (-9). Asteartean 61 pertsona erietxeratu dituzte gaixotasun hori dela kausa.

Erlazionatuak

Intzidentzia-tasa metatuak jaisten jarraitzen du Lasarte-Orian

Gizartea

Eusko Jaurlaritzako Osasun Sailaren datuen arabera, gure herrian bi kasu atzeman dituzte astelehenean, bezperan bezainbeste. Otsaila hasi zenetik 1...
Bideo-pilulak: genero ikuspegia

Gizartea

Ana Galarraga Aiestaran zientzia-dibulgatzaileak koronabirusaren inguruko gaiak azaltzen ditu Teknopolis saioan. Bideo-pilulak argitaratuko ditugu ...