Beterri-Buruntza eskualdean ere positibo gutxiago izan ziren atzo: 11. Bost, Astigarragan; eta bina, Hernanin, Andoianen eta Lasarte-Orian. Urnieta eta Usurbil, berriz, bere horretan mantendu dira, kasu berririk gehitu gabe. Metatutako intzidentzia tasaren kopuruetan gora-beherak badaude ere, herriak eremu berean mantendu dira. Gorrian daude Usurbil, Astigarraga eta Lasarte-Oria; laranjan, Andoain, Hernani eta Urnieta.
Euskal Autonomia Erkidegoari dagokionez, atzo, 13.575 proba diagnostiko egin zituzten eta 643 positiboak izan ziren. Hau da, positibo tasa % 4,7 da. Kutsatze berrien 139 Gipuzkoan atzeman zituzten; 400, Bizkaian; eta 139, Araban. Gainerako hamaikak EAEtik kanpo bizi diren herritarrak dira.
Ospitaleetako egoerari dagokionez, COVID-19ak eragindako 63 lagun ospitaleratu zituzten atzo. Hori horrela, 495 gaixo daude geletan eta 173, ZIUetan.