Nik ostalaritza babesten dut irakur zitekeen manifestatu diren ostalariek erakutsi dituzten afixetan. Horrez gain, txilibituak eta kazerolak erabili dituzte, haien aldarriak are ozenago zabaltze aldera. Ordu laurden inguruko protesta-ekitaldia egin dute tabernariek, lanera itzuli aurretik. Gaur-gaurkoz, baimena dute jarduteko, abendutik indarrean dauden baldintzak betetzen badituzte. Bihar, dena den, aldatu egin daiteke hori, LABI aholku batzordearen bileraren ostean neurriak iragarriko dituelako Eusko Jaurlaritzak.
Ostalaritza Lasarte-Oria taldearen deiari erantzunez, hamarnaka tabernari Okendo plazan kontzentratu dira gaur, bizi duten egoera salatzeko eta agintariei "soluzioak" eskatzeko. EAEko Justizia Auzitegi Nagusiaren baimena tarteko, pertsiana igo dute gehienek, baina bihar LABI aholku batzordeak erabakiko duenaren zain daude, egoera eta neurriak aldatu egin daitezkeelako.
Erlazionatuak
Herriko taberna ugari, berriro ere zabalik
2021 ots 10 Ekonomia
Lasarte-Oriako ostalarien kontzentrazioa
2021 ots 11 Ekonomia