Koalizio subiranistak nabarmendu duenez, "partaidetzan oinarrizten diren egiteko moduen eta kudeaketa ereduen aldeko apustu irmoa" egin du: "Lasarte-Orian bizi garen guztiok komunitate bera osatzen dugula abiapuntutzat hartuta, guztion ongizatea bermatuko duten politika publikoak abian jarriko ditugu".
Lasarte-Oriako EH Bilduk azpimarratu du "herritarrekin lan egitea" dela bere politika egiteko moduaren "muinetako bat". Horren harira, Herrigintzen izeneko egitasmoa jarri du martxan. Motorrak berotu eta bideari ekite aldera, lau mahai inguru antolatu ditu otsaileko bigarren hamabostaldirako. Honatx egitaraua:
COVID-19aren pandemia dela kausa, aforoa mugatua izango da, eta solasaldi horiek zuzenean jarraitu nahi dituztenek aurrez izena eman behar dute 683 31 98 21 telefono zenbakira edo lasarte-oria@ehbildu.eus helbide elektronikora idatzita. Mahai inguru guztiak grabatuko ditu EH Bilduk, eta ikusgai jarriko gero. Euskaraz izango dira hitzaldiak. Herritarren batek zuzeneko itzulpen zerbitzua beharko balu, aurrez abisua eman behar duela zehaztu du alderdiak.
