COVID-19

Lasarte-Orian bi kasu atzeman dituzte astelehenean

Eusko Jaurlaritzako Osasun Sailak urtarrilaren 11ko datu epidemiologikoen berri eman du. Lasarte-Orian beste bi kasu detektatu dituzte, eta, oraingoz, 29 positibo erregistratu dituzte 2021ean gure herrian.

Eskualdeko udalerri guztietan detektatu dituzte koronabirus kasuak Osakidetzako beharginek: Andoainen eta Hernanin, zortzina; Astigarragan, hiru; Lasarte-Orian eta Urnietan, bina; eta, Usurbilen, bat. Inzidentzia tasa metatuetan aldaketa nabarmenik ez. Eremu horian daude herri guztiak, Andoain izan ezik; gorrian dago. 

EAEko hiru lurralde historikoetan 817 kasu atzeman dituzte astelehenean: 492 Bizkaian, 219 Gipuzkoan eta 92 Araban. 12.238 PCR eta antigenoen proba egin dituzte: ehunetik ia zazpi izan dira positiboak (%6,7). 345 pertsona daude ospitaleratuta Osakidetzaren zentroetan (duela astebete baino 68 gehiago), horietatik 75 ZIU Zainketa Intentsiboen Unitateetan.

Erlazionatuak

Bideo-pilulak: anosmia

Gizartea

Ana Galarraga Aiestaran zientzialariak koronabirusaren inguruko gaiak azaltzen ditu Teknopolis saioan. Bideo-pilulak argitaratuko ditugu astero-ast...
LABI batzordeak koronabirusaren hedapena gutxitzeko neurri batzuk zorroztu ditu

Gizartea

Eusko Jaurlaritzako Osasun sailburu Gotzone Sagarduik iragarri duenez, EAEko hiru probintzietako batean bizi direnek ezingo dute gainontzekoetara j...