EUSKARALDIA 2020

Aztertu zure ohiturak eta ekin euskarari

Iritsi da eguna. Gaur hasiko da Euskaraldia, hizkuntza-ohiturak astintzeko ariketa soziala. 'Ahobizi' edo 'belarriprest' baldin bazara, artikulu honetan topatuko dituzu rol bakoitzari dagozkion zenbait aholku.

'Ahobizi' edo 'belarriprest' bazara...

  • Aztertu zure ohiturak eta ekin euskarari: aztertu norekin eta zertarako erabiltzen duzun euskara.
  • Ingurua prestatu: ingurukoekin aurreikusi eta adostu ohitura aldaketak.
  • Jantzi Euskaraldia: txapa, sare sozialetako argazkiak... Adierazi parte hartzen ari zarela.

'Ahobizi'

  • Elkarrizketa elebidunetan, euskaraz: komunikazioa bermatuta dagoenean, eutsi euskarari.
  • Baztertu aurreiritziak eta eutsi erabakiari: aztertu nola gainditu zure aurreiritziak. Ziur pentsatu baino gehiago egin dezakezula euskaraz.
  • Eutsi euskarari!: ekin (lehen hitza euskaraz), adierazi (euskarari eutsiko diozula), egiaztatu (solaskideak ulertu dizula), esan (beste modu batean, solaskideak ulertzeko zailtasuna duenean).

'Belarriprest'

  • Adierazi euskararekiko prestutasuna: jakinarazi solaskideei euskara jaso nahi duzula eta, zeuk ere nahi eta ahal beste erabili. Zure euskara da euskararik onena.
  • Baztertu aurreiritziak eta eutsi erabakiari: aztertu nola gainditu zure aurreiritziak. Ziur pentsatu baino gehiago egin dezakezula euskaraz.
  • Egin lekua euskarari: adierazi (euskara ulertzen duzula eta jaso nahi duzula), ekin (ahal eta nahi duzunean euskaraz hitz egin), jakinarazi (ulertzeko zailtasunak dituzunean, beste modu batean esateko eskatu).
Erlazionatuak

Euskaraldian 'ahobizi' izango naiz, nola jokatu behar dut?

Euskara

Duela bi urte bezalaxe, norbanakoek izena eman dezakete Euskaraldian. Har dezaketen roletako bat da 'ahobizi' izatearena. Bideo hau ikusiz jakingo ...
Euskaraldian 'belarriprest' izango naiz. Nola jokatu behar dut?

Euskara

Duela bi urte bezalaxe, norbanakoek izena eman dezakete Euskaraldian. Har dezaketen roletako bat da 'belarriprest' izatearena. Bideo hau ikusiz jak...