Igerilari federatuak, lanean; masterrak urriaren 2an hasiko dira

Arg.: Buruntzaldea IKT

Aurreko zenbakian, Buruntzaldea IKTko igerilariek irailaren 28ra arte saiorik ez zutela iragarri genuen. Igeriketa taldeko arduradunek ordea, Kirol Zerbitzuarekin adostasun batera iritsi eta astelehenean kirolari federatuek entrenamenduak hasi zituztela jakinarazi dute. Masterrek urriaren 2an hasiko dituzte saioak eta sail horretako izena ematea ireki du igeriketa taldeak

Pozarren agertu dira Buruntzaldea IKTko kideak berriro ere uretan lan egin ahal izateagatik.

Igerilari federatuak kale batean aritu dira eta bi txandatan: 15:30-17:30 eta 19:30-21:30.

Gainerako taldeak irailaren 28tik aurrera pixkanaka batzen joateko lanean ari dira.

Izena ematea irekia

Masterrek esate baterako, urriaren 2an izango dute lehen saioa. Horregatik, sail honetan izena emateko epea ireki dute.

Astelehen, asteazken eta ostiraletan egin ahalko dituzte saioak bi txandatan: goizez, 7:10etik 8:10era eta arratsaldez, 16:15etik 17:15era. COVID-19aren aurkako neurriak direla-eta, ordutegietan aldaketa txikiak egon daitezkeela jakitera eman du taldeak.

Izena ematea Buruntzaldea IKTren webgunean egingo da. Informazio gehiago nahiez gero, 696 506 632 telefonoan edo info@buruntzaldeaikt.eus helbidean eskuratu daiteke.

 

Erlazionatuak

Buruntzaldea IKTk entrenamenduen hasiera atzeratu behar izan du

Kirola

Kirol Zerbitzuaren hausnarketa prozesua dela eta, Buruntzalde IKTko igerilariak ezin dira oraindik lanean hasi