Mikel Yarza lasarte-oriatarrarena da ahots nagusia, eta baxua ere jotzen du. Etxahun Urkizu (bateria) eta Pablo Cabasesek (gitarra) osatzen dute hirukoa. Thrash, death eta black metal estiloak uztartuz ondu dute Aske, estrenaitzear daukaten lana. Hamaika abesti egin dituzte, eta bi aurreratu dituzte honezkero: Pertsona, terrorista eta Agur.
Bigarren aurrerapen kantuaren bideoa Aritz Larreak grabatu du, eta Aitor Zarzuelok editatu. Bi horien eta Hilotz taldearen beraren artean sortu dute kontzeptua. Garazi Etxaburu eta Xanti Nazabalek egin dituzte dantzari lanak.