"Alde batetik, izan diren komunikazio eta administrazio arazoak konpontzeko konpromisoa hartu du Ttakun Kultur Elkarteak, hezitzaileek beren jardunaren hasieran jasotzen duten informazioa hobetu eta jardunaren zehar dagoen komunikazioa zehatzagoa eta arinagoa izan dadin. Irailetik aurrera dauden programatan eta batez ere Udako Txokoei dagokionean, hezitzaileekin harremana hobetu behar dela garbi ikusi dugu. Beste alde batetik, akordio ekonomiko batera ere iritsi gara, soldatei dagokionez. Hala ere, adostasun batera iritsi arren hezitzaileak behar bezala baloratuak sentitu ez direla aipatu nahi da, eta horrek eragindako mina ez da guztiz ezabatua izan.
Bai Ttakuneko zuzendaritzatik eta baita Udako Txokoetako begirale taldetik egoera hau inorentzat ez dela erosoa izan adierazi da, denok dakigu uztaila hilabete zaila izan dela eta hainbat gauza hobetu litezkeela, eta hobetzeko konpromisoa hartu da.