Hauek dira udalak Okendo plazatik Andatzara tokiz aldatuko dituen emanaldiak:
- Gaur arratsaldean, uztailak 16, 19:00etatik aurrera, Gag Street Boys ikuskizuna
- Bihar arratsaldean, uztailak 17, ostirala, 19:00etatik aurrera, Ikonografiak dantza ikuskizuna
- Uztailaren 24an, ostiralarekin, Piraten istorio bat antzezlana
Okendo Zinema Taldeak hilaren 22rako (asteazkena) programatuta daukan zine emanaldia, printzipioz, Okendo plazan izango da. 22:15ean hasiko da Amazing Grace dokumentalaren proiekzioa.
Protokoloa
Segurtasun protokoloak berbera izaten jarraituko du: ikus-entzuleak txandaka sartzeko eta irteteko puntu bakar bat, pilaketak saihesteko. Buruntza kaletik sartu eta aterako dira herritarrak. Edukiera maximoa 200 pertsonakoa izango da: eserleku bakoitza metro eta erdira egongo da bestearengandik, eta maskara jantzita eraman beharko dute ikus-entzuleek. Antolatzaileek kontrolatuko dute neurri horiek betetzen direla.