Uztailean eta abuztuan zehar 16:00etatik 21:00etara arte zabalduko dituzte aipatutako patio horiek, astelehenetik igandera. Ordubetez luzatu dute ordutegia, eta goizetan ixtea erabaki. Patioak irekita egitasmoa aurkeztu zuen udalak martxo hasieran, COVID-19aren pandemiagatik Lasarte-Oria ere Alarma Egoeran eta konfinamenduan sartu aurretik. Programaren helburua da herriko ikastetxeetako patioak lasarte-oriatarren eskura jartzea, gune horiek aisiako eta bestelako jarduerak egiteko baliatu ditzaten.