Urteroko kanpaldiak egingo ez badira ere, uztailan gazteek ondo pasatzeko aukera izango dute. Kuadrilategiren udarako jarraipen bat antolatu du Ttakun Kultur Elkarteak; ekintzetan parte hartzera animatzen ditu herritarrak. Uztailean zehar egingo dira jarduerak, DBH 1 eta 4 arteko gazteei zuzenduak. Izen-emate epea irekita dago: uztailaren 3a izango da azken eguna, ostirala. 20 euro ordaindu beharko dira, eta ekintzaren arabera osagarri bat ere bai agian. Antolatzaileek aurrez abisatuko dute.
Talde bakoitza astean behin elkartuko da ur ekintzak (surf, piragua...), Ibilaldiak eta mendi irteerak egiteko:
- Astelehenetan DBH1ekoak
- Asteartetan DBH 2koak
- Asteazkenetan DBH 3koak
- Ostegunetan DBH 4koak
Ordutegiak ekintzaren araberakoak izango dira, eta uztaila amaitu aurretik egun osoko jarduera bat ere egingo du talde bakoitzak. Zalantzak argitzeko hainbat bide dituzte herritarrek: deitu dezakete 688 634 480 telefonora edo bestela ktglasarteoria@ttakun.eus helbidera idatzi.
Izen-emate formularioa
